Admir Murataj, i cili mbeti i vrarë gjatë shkëmbimit të zjarrit ditën e djeshme, ku u grabitën në pistën e aeroportit të Rinasit, miliona euro, rezulton i shumëkërkuar nga policia shqiptare.
Për kapjen e tij u organizuan një seri operacionesh policore ku janë përfshirë jo vetëm trupat RENEA, por edhe helikopterët.
Operacioni i fundit policor për kapjen e Muratajt ishte ai në Dibër, ndërsa ai është konsideruar si truri i grabitjeve të parave në Rinas në vitin 2015. Në atë kohë u grabitën rreth 6 mln euro që i përkisnin dy bankave të nivelit të dytë. I njëjti person është akuzuar edhe për grabitjen e disa miliona eurove në vitin 2017, ngjarje e ndodhur më 8 shkurt në rrugën e Rinasit.
Policia njoftonte në atë kohë mbi zhvillimin e operacionit për kapjen e shtetasit Admir Nikaj (Murataj), ndërsa përveç në rrugë tokësore po zhvillohen kontrolle edhe me helikopter.
Në operacionin “Patrioti’ të zhvilluar në 2017, u përfshinë forcat RENEA, Forcat e Ndërhyrjes së Shpejtë, Forcat e Posaçme Operacionale dhe Policia e Dibrës.
Në kuadër të këtij operacioni u arrestuan katër persona, ndërsa dy të tjerë janë shpallur në kërkim.
Në pranga përfunduan shtetasit: Fation Xhyliu, 33 vjec, lindur në Lushnje banues në Tiranë, ish-punonjës në Shpsf “Rogat”.
-Ditjon Memlika, 31 vjec, lindur në Tepelenë dhe banues në Tiranë, ish-efektiv në forcat ushtarake.
-Neim Avdulaj, 28 vjec, lindur në Vlorë dhe banues në Tiranë, ish-ushtar profesionist në forcat ushtarake të Zallherrit.
-Ernest Kupa, me banim në Krujë, me biznes privat.
Si dhe u u shpallën në kërkim dy shtetas të tjerë.
Këta shtetas dyshohen si të përfshirë në dy grabitjet spektakolare, atë të 3 dhjetorit të vitit 2015 si dhe grabitjen e shkurtit 2017, kur morën mbi 6 milionë euro. Grabitjet u kryen në zonën e Qafë Kasharit, që lidh Tiranën me Rinasin.
