Sot në morgun e Tiranës, kanë shkuar familjarët e Admir Murataj, për të konfirmuar në qoftë se trupi i vraarë gjatë grabitjes ditën e djeshme në “Aeroportin e Rinasit”, i përket atij.
Në fotot më poshtë paraqitet situata përpara dyerve të morgut, dhe shihen familjarët e viktimës të cilët kanë shpërthyer në lot.
Në foto është Cen Murataj, vëllai i Admir Murataj, gruaja e tij Albana dhe gruaja e vëllait tjetër Aleksandër Murataj.
Burimet mediatike kanë bërë me dije se ka qenë gruaja e viktimës ajo që e ka identifikuar trupin, dhe në dalje të morgut të QSUT është shprehur: Po, ai është…
Pas bashkëshortes ka qenë vëllai i viktimës ai që e ka konfirmuar se trupi i përket Admir Muratajt.
