Ministri i Brendshëm, Sandër Lleshaj ka qenë kryetar i bordit mbikëqyrës së aviacionit civil, u tha mbrëmjen e kësaj të mërkure në emisionin “Opinion”.
Shemsi Prençi, ish-shefi i Emergjencave Civile tha se nga viti 2013 e deri në 2017-ën, Lleshaj ka qenë kryetar i bordit mbikëqyrës së aviacionit civil.
“Ka mbajt gradën gjeneral dhe s’lejohet të mbikëqyri”, tha ai.
“Sandër Lleshi duhet të jepte dorëheqjen sot, sepse duke mbajtur gradën gjeneral ka qenë kryetar”, u shpreh.
“Vladimir Avdiu, komandat i forcave ajrore me gradë ka qenë anëtar, s’lejohet, është në shkelje të ligjit. Ministrja (Balluku) anëtare e komitetit”.
“Ky kryetari i bordit (Lleshaj) çfarë mbikëqyrte, nëse s’mbikëqyrte propozimet që bënim ne”, tha ish-drejtuesi i Policisë.
“Vendin e Lleshajt zuri Shkreli. Zv/ministri kontrollon veten, e kuptoni çfarë shkeljesh!? Kjo është krushqi”, shtoi.
“Kryetari aktual Krislen Kerri, gjatë vitit 2013-2017 ka qenë anëtar bordi, herë është ngrit herë është shkarkuar, por ka drejtuar kupolën e aviacionit civil. Ka qenë shef i kabinetit te Ministria e Transportit ka negociuar bisedimet e shitjes se koncesionarit nga kompania gjermane te ajo kineze. Kryetar i dhomës së tregtisë serbi-Shqipëri është vjehrri i tij dhe gjithë punët që ka në aeroport, të rrugëve në aeroport gjithçka i bën vjehrri i tij”, u shpreh. /BN/
