Detaje të reja mësohet nga hetimet e ngjarjes së sotme në Rinas, ku u grabitën një sasi e konsiderueshme monetare dhe një nga grabitësit mbeti i vdekur gjatë shkëmbimit të zjarrit me policinë.
Burime pranë grupit hetimor bënë me dije se, dyshimet paraprakë janë se grupi që ka kryer grabitjen ishte i përbërë nga pesë persona.
Nga këta, 4 vetë dyshohet se kanë hyrë në aeroportin e Rinasit me fugonin e bardhë me mbishkrimin “Hetimi Tatimor” dhe kanë marrë sasinë e parave në avionin që ndodhej në pistë.
Ndërsa, i pesti dyshohet se i priste me një tjetër automjet te “Ura e Bratit”.
Fugoni me të cilin autorët dyshohet se u futën në dhe u larguan pas grabitjes nga pista e avionëve në Rinas është gjetur rreth 2 km larg aeroportit. Brenda tij u gjet i vrarë një prej grabitësve gjatë shkëmbimit të zjarrit me Policinë. Viktima është ende i paidentifikuar.
Një automjet i djegur u gjet në Bathore. Dyshohet se është përdorur nga grabitësit për të vijuar arratinë.
/Boldnews.al/
*VIDEO/ E shpjeguar me pamje, si ndodhi super-grabitja në Rinas
