Është zbuluar dëshmia e një qytetari i cili është hasur me grabitësit e parave në aeroportin e Rinasit. Teksa qytetari ka pikasur autorët duke djegur një automjet në zonën e Bathores, iu është drejtuar me një pyetje: “Përse e digjni makinën?”
Por sipas dëshmitarit i cili nuk ishte në dijeni se ishin grabitësit e parave në pistën e avionëve në Rinas, ata i janë kthyer me kërcënim duke i thënë: “Mos flit asgjë ose të vrasim”.
Sipas dëshmisë së tij, grabitësit më tej janë larguar me biçikletë ndërsa kishin me vete edhe disa çanta. Bëhet fjalë për paratë që ata grabitën, që edhe pse jo zyrtarisht, dyshohet të jenë 10 milionë euro.
