Ylli Rakipi, gazetar i njohur, ka depozituar një kundërpadi ndaj kryeministrit Edi Rama. Padia e Rakipit vjen pas asaj të bërë nga kryeministri Rama kundër tij për shpifje.
Rakipi ka paditur kryeministrin për fyerje dhe shpifje, ndërsa e krahasoi atë me diktatorët e rinj, ato të Amerikës Latine, Vladimir Putinin dhe Rexhep Tajip Erdogan.
“Edi Rama është njeriu më gojështhurur që kanë pasur qeveritë shqiptare që nga 1912.
Padia e Ramës ndaj meje është një gjyq është politik, është një përpjekje e vazhdueshme e tij që unë të mbyll emisionin, i cili ka goditur PPP, aferat korruptive dhe koncensionet.
Ky është një regjim, një regjim që nuk lejon liritë dhe ti nuk mundesh. Edi Rama është një njeri që i ka vënë fre gjithçkaje, që kërkon të ketë nën kontroll gjithçka, përfshi këtu edhe pushtetin e katërt.
Do të kërkoj një gjyq me dyer të hapura që qytetarët të shikojnë se cili është ky njeri që fyen gazetarët.
Media ka problemet e veta të panumërta, por kryeministri nuk është rregullator i saj, nuk është kryeministri ai që duhet të kontrollojë mediat. Rama është një diktator i tipit të ri, si ato në Amerikën Latine, Putini apo Erdogani”, tha Rakipi.
