Dhjetra forca policore me skafandra, mburoja, shkopinj gome dhe spraj, kanë ndërhyrë dhunshëm në zonën e Bregut të Lumit duke arrestuar banorët që një ditë më parë protestuan në mbrojtje të shtëpive të tyre.
Raportohet se ndërhyrja e policisë është bërë rreth orës 06:00, ndërsa banorët, përfshi edhe fëmijë të mitur janë tmerruar nga mënyra sesi është vepruar.
Policia nuk ka kursyer përdorimin e forcës apo sprajtit ndaj qytetarëve, përfshi grave dhe të moshuarve.
Banorët kanë qëlluar me gurë ndaj forcave të policisë në përpjekje për të mbrojtur banesat e tyre, që sipas projektit të Bashkisë së Tiranës do të shemben pasi janë në gjurmën e bulevardit të ri.
