Pas 34 vitesh pritjeje, PAOK-u i Selanikut, po fiton titullin kampion në Greqi, duke thyer kështu Olimpiakosin.
Në 27 ndeshje të kampionatit grek, PAOK ka fituar 24 prej tyre, nuk njeh humbjen, ndërsa tifozeria ka shpërthyer në festime dhe ovacione.
Dje skuadra greke e Selanikut mundi 3-0 Lamias, duke konfirmuar kështu rrugën drejt titullit që vjen pas 34 vitesh.
Razvan Luçesku, trajneri rumun i skuadrës greke, arriti të bëjë atë që shumë trajnerë të tjerë para tij nuk e kanë arritur.
Luçesku drejtoi me sukses skuadrën që ka vetëm dy grekë në përbërjen e saj, portierin Paskalaqis dhe mesfushorin Pelkas, ndërsa lojtarët e tjerë janë holandezë, anglezë, brazilianë, spanjollë, portugezë dhe deri ukrainas.
Ivan Savidis, presidenti i PAOK, do t’i gëzohet trofeut, ndërsa ai është një figurë e dyshimtë, por me lidhje të forta.
Është nga ata president klubesh që rri i armatosur, madje futet në fushën e lojës i armatosur dhe në fund arrin të shpëtojë.
