Zëvendësndihmëssekretari i Shtetit për Europën, Matthew Palmer do të vijë sot në Tiranë dhe do të zhvillojë disa takime të ndara me krerët e politikës. Takimi vjen pas krizës politike dhe mosdakordësia ndërmjet opozitës dhe PS-së.
Mësohet se ai takimin e parë do ta zhvillojë me Kryeministrin Edi Rama.
Ndërsa ditën e nesërme do të vijojë takimet e tjera. Ai do të zhvillojë një takim me Presidentin e vendit, Ilir Meta.
Takimet e zyrtarit amerikan do të vijojnë më pas me dy kryetarët e partive opozitare më të mëdha në vend. Fillimisht, ai do të takohet me Lulzim Bashën, e më pas një takim të veçantë me kryetaren e LSI-së, Monika Kryemadhi.
Ndërsa pritet që vizita të mbyllet me një deklaratë për mediat mbi krizën politike dhe zgjidhjen e saj.
