Cristiano Ronaldo është një nga lojtarët më të mirë në botë, pasi ka fituar një “mal” me trofe si protagonist kryesor ku trofetë më të rëndësishëm për portugezin janë pesë Championsat të fituar katër me Realin e Madridid dhe një me Man. United dhe një kampionat europian të fituar me Portugalinë në 2016-tën. Ronaldo gjithashtu ështëedhe pesë herë fitues i Topit të Artë.
Së fundi po mendohet që klubi fillestar i portugezit, Sporting Lisbona, po mendon të shtojë CR7 në emrin aktual të stadiumit, që mban emrin e themeluesit të klubit, “Jose Alvalade”.
Synimi i portugezëve është që ta quajnë stadiumin “Jose Alvalade CR7”, për të përfituar më shumë nga marketingu, por edhe për të bindur portugezin, që vitet e fundit të karrierës, t’i kalojë pikërisht në Lisbonë.
Cristiano Ronaldo iu bashkua Sportingut të Lisbonës kur ishte vetëm 12 vjeç dhe pas 5 vitesh në skuadrat e moshave, debutoi në vitin 2002 me ekipin e parë, ndërsa në fund të sezonit Ferguson e mori atë tek anglezët e Manchester United.
