Nënkryetari i PD-së, Edi Paloka, i ka drejtuar një mesazh kryeministrit Edi Rama që të mos e përdorë policinë kundër popullit.
Reagimi i Palokës vjen në një kohë kur forcat policore u përdorën kundër banorëve të Bregut të Lumit që gjatë paradites së sotme nisën një protestë në mbrojtje të banesave të tyre.
“Edvin, policinë e Lleshit angazhoje të luftoj krimin, boll e përdore kundër popullit !!!”, shkruan Paloka në rrjet.
Gjatë javëve të fundit Policia e Shtetit është angazhuar maksimalisht kundër protestave të opozitës dhe atyre qytetare në zona të ndryshme të vendit, ku nuk kanë munguar rastet e dhunës, përdorimi i gazit lotsjellës apo uji me presion.
