Presideti Ilir Meta ka zgjedhur Durrësin për të dhënë një mesazh lidhur me situatën politike në vend, ndërsa ka kërkuar vendosjen e dialogut mes mazhorancës dhe qeverisë.
“Besoj te dialogu i përgjegjshëm. S’duhet të bëjmë hapa pas për shkak të kokëfortësisë”, ka deklaruar Meta, i cili ka përkujtuar rezistencën antifashiste në qytetin bregdetar.
Kreu i Shtetit ka apeluar për dialog, si rrugën e vetme për zgjidhjen e krizës politike.
“Besoj vetëm te dialogu dhe zgjidhja politike e situatës”, u shpreh Presidenti. Sipas tij, pas 1997 vendi ka bërë hapa të rëndësishëm përpara.
“Përparimet e arritura në këto vite nuk duhet të shkojnë dëm”, tha Meta.
Sipas tij, është detyra e klasës politike të tregojë vullnet për dialog. “Të gjendet hapësira për zgjidhjet, është detyrë e gjithsecilit të reflektojë”, tha Kreu i Shtetit.
