Përplasje mes kryeministrit dhe kryebashkiaut të Kukësit, pas vizitës së Edi Ramës në qytetin verior, ku u prit me protesta.
“Një kryebashkiak qesharak i një partie qesharake del e ze rrugën e Kukësit me administratën, në vend se të ishte me mijëra qytetarët kuksianë në çeljen e punimeve të aeroportit ndërkombëtar!Merren me prita rrugësh në shekullin e XXI e pastaj duan vota nga ky popull. Oh ç’derexhe”, shkruan Rama në Twitter.
Më herët, kryebashkiaku i Kukësit Bashkim Shehu e akuzoi Ramën se përdori një gjuhë raciste gjatë ligjëratë së tij në aeroportin e Kukësit.
“Traditën e mikpritjes e keni shumë të fortë, edhe pse disa dalin te rruga. E dimë që pyll pa derra s’ka”, tha Rama. /BN/
