Shkrimtari dhe aktivisti i njohur i shoqërisë civile, Rudi Erebara, i ftuar në Syri.net, duke komentuar situatën politike në vend, nuk shikon asnjë shpresë se kjo qeveri mund ti japë shpresë vendit në këtë situatë kriminaliteti ku e ka zhytur.
I njohur për mbrojtjen që i ka bërë Teatrit Kombëtar, pikërisht nga kjo pangopësi që ka treguar kjo qeveri për të ndarë çdo copë të Shqipërisë me oligarkët e saj, Erebara tha se ai dhe miqtë e tij do të mbështesin Partinë Demokratike deri në fitore, jo si e keqja më e vogël, por ndaj të keqes së madhe që kjo qeveri i ka bërë Shqipërisë.
‘Edhe vjet kur ishim në protestën për mbrojtjen e Teatrit numëruam një sërë arritjesj në fushën e krimit që ka kjo qeveri. Një qeveri që arriti me sukses të plotë që të mbjellë me kanabis Shqipëri. I gjithë sistemi i drejtësisë ka rënë, sepse nuk ka asnjë gjykatë. Vettingu unë e kam thënë që në fillim që kam qenë skeptik. Nuk lahesh dot, me ujë të ndotur. Amnistia që bën ky është kush e kalon ylberin del i pastër. Drejtësia është e kapur, gjykatësit, prokurorët kanë nga katër vila, edhe Vettingu i nxori me një përllogaritje. Po kë parë ti ndonjë prej këtyre që ti vrasë ndërgjegjja, teksa njëri thoshte pa pikë turpi që i kishte fituar me skedina futbolli paratë. Kjo ishte një amnisti ndaj krimit. Kanë ikur tre vjet nga kjo punë. U bë një vit e gjysmë që ne shoqëria civile mbrojmë Teatrin, por nuk ka Gjykatë Kushtetuese. Nuk kishte ndodhur kurrë për Parlamenti shqiptar të jepte leje ndërtimi. Dhe u dhanë 7 kulla te Teatri. As serbët në Luftën e Parë Botërore nuk e kanë bërë një gjë të tillë.
Në thelb këta janë barbarë që po prishin kujtesën historike.
I gjithë sistemi ka rënë. Edhe sistemi moral i shoqërisë ka rënë. Njerëzit duan të ikin.
Ne do të mbështesim Partinë Demokratike deri në fitore. Kësaj radhe nuk është e keqja më e vogël.
E keqja më e madhe është në pushtet. Kryeministri e ka kthyer qeverinë në shtojcë të oligarkëve.
Erdhi në pushtet me byreku, tepsia, rrota, timoni”, deklaroi Erebara.
