Europol njoftoi se këtë të premte goditjen e një rrjeti kriminal shqiptar që vepronte në Europë. Sipas Policisë europiane, mbi 60 anëtarë të grupit janë vënë në pranga dy ditët e fundit, por identitetet e tyre nuk bëhen me dije.
Aksioni
Europol njoftoi se, “64 anëtarë të një rrjeti të krimit të organizuar shqiptar u arrestuan mes 3-5 prillit gjatë një operacioni të njëkohshëm të kryer në Belgjikë, Francë, Holandë dhe Itali dhe që përfshiu rreth 600 oficerë të organeve ligjzbatuese.
Të dyshuarit akuzohen se kanë prodhuar dhe trafikuar drogë, janë angazhuar në trafikun e qenieve njerëzorë, prostitucion dhe pastrim parash.
Arrestimet vijnë pas një hetim kompleks lidhur me aktivitetet e këtij grupi të krimit të organizuar që vepron në Belgjikë, Francë, Holandë, Itali dhe Britani të Madhe. Të dyshuarit besohet se kanë menaxhuar të paktën një duzinë plantacionesh kanabisi të shpërndarë në të gjithë Belgjikën dhe në veri të Francës. Disa nga ojestarët e grupit dyshohet se janë përfshirë në një rast të trafikimit të qenieve njerëzore në Francë.
55 persona u arrestuan në Belgjikë, duke përfshirë drejtuesit e grupit, 7 në Holandë dhe 2 të tjerë në Francë në këtë hetim të udhëhequr nga Policia Federale Belge në bashkëpunim me Xhandarmërinë Kombëtare të Francës, Policinë, Drejtoria Italiane Investigative Antimafia dhe Policia Britanike Metropolitane.
Europol mbështeti hetimin që nga fillimi duke lehtësuar shkëmbimin e informacionit”.
/Boldnews.al/
