Ish-deputeti i Partisë Demokratike, Xhemal Gjunkshi ka komentuar situatën aktuale politike dhe të sigurisë në vend.
I ftuar në studion e televizionit Fax News, u ndal tek situata politiko-sociale në Dibër, ku tha se atje ligjin e bën Ymer Lala e jo Edi Rama. Sipas tij, kjo ndodh për shkak të mbështetjes ndaj krimit dhe anasjelltas.
“Nuk është Edi Rama në Dibër, është Ymer Lala, pyetni këdo në Dibër. Ai është i fuqishëm, pasi ka mbështetur krimin. Ata shkuan dhe blenë fisnikërinë, blenë krenarinë me parat e krimit, për shkak të varfërisë”, – tha Gjunksi. .
Më tej duke folur për sigurinë e qytetarëve shqiptarë në vendin tonë, tha se vendi nuk është i sigurtë e sipas tij këtë e tregon edhe shtimi i eskortës së kryeministrit.
“Thonë që është rritur siguria, por nuk është e vërtetë. Nëse ky vend është kaq i sigurtë, pas shtohet eskorta e tij, numri i makinave dhe truprojave?! Përgjigjia është e thjeshtë, siguria ka rënë ndjeshëm”, – tha Gjunkshi, ndërsa shtoi se ligjin në Shqipëri e bën krimi.
Duke u ndalur tek protestat, Xhemal Gjunkshi, u shpreh se do të vijojnë pasi vetëm protestat qytetare do t’i japin goditjen e merituar kësaj qeverie.
“Ju i keni parë protestat e opozitës. Ato kanë ardhur në rritje. Protesta e 13 Prillit do të jetë akoma më e madhe, pasi zemërimi i qytetarëve ka ardhur duke u rritur. I bëjmë thirrje Edi Ramës, që të reflektojë”, – tha Gjunkshi.
