Ish-deputeti i Partisë Demokratike, Ervin Salianji është i ftuar mbrëmjen e sotme në emisionin “360 Gradë”. Në lidhje me sondazhin e publikuar nga Ora News ai tha se Partia Demokratike ka sondazhet e saj dhe e dinë se janë fitues por në Shqipëri problemi nuk është sesi votojnë njerëzit por ka një problem thelbësor sesi numërohen votat dhe se kush i numëron. Në lidhje me deklaratat e Edi Ramës Salianji tha se kryeministri merret vetëm me opozitën dhe në qoftë se opozita do të ishte e dobët do të injoroheshin nga ai.
“Ne i kemi sondazhet e brendshme të bëra nga Partia Demokratike që ne jemi fitues dhe e kemi marrë aktin e dorëzimit të mandateve si një akt force, si një akt që ne tregojmë që pavarsisht se në sondazhet shqiptarët janë një pjesë e madhe me opozitën. Por, kemi teguar që në Shqipëri nuk është problemi sesi mendojnë njerëzit dhe sesi votojnë njerëzit, por ka një problem kryesor sesi i numëron, se kush i numëron, sesi intimidohen dhe sesi devijohet vota. Pas këtij sondazhi është një shifër dramatike se 62% shqiptaë duan të ikin, të gjitha këto të dhëna tregojnë agresivitetin e paimagjinueshëm të kryeministrit në daljet publike se nëse opozita do të ishte e dobët atëhere për çfarë ai merret me opozitën. Në konkresin elektoral nuk foli për asnjë moment për qeverisjen, por foli vetëm për opozitën PD-LSI, PD-LSI. Në Parlament gjatë gjithë kohës PD-LSI. Në takim me qytetarët e keqja është opozita. Nëse do të ishim të dobët ne dhe nëse do t’i kishte të dhënat kryeministri nga sondazhet e tija atëherë ne duhet të injoroheshim.
Sistemi i sotëm elektoral që është proporcional rajonal i mbledh të gjitha votat e partive opozitare dhe e favorizon opozitën. Rama është një forcë politike, i vetëm. Partitë opozitare janë në krahun tjetër.
Ne nuk po kërkojmë pushtet, ne po tregojmë edhe sondazhi i publikuar nga ORA tregon që pavarësisht si mendojnë shqiptarët zgjedhjet blihen dhe shiten. Ne nuk mund të hyjmë në zgjidhje ku ndryshe mendojnë shqiptarët, ndryshe pasqyrohet në letrat që firmos Rama me banditët.”-tha Salianji
