Skënderbeu ka zhvilluar në Durrës seancën e radhës stërvitore në përgatitje të ndeshjes me Partizanin.
Duke parë që në Kupë dhe në kampionat këtë javë bardhekuqtë nuk do të angazhohen, për shkak të pezullimit të Kamzës, trajneri ka vendosur të marrë me qetësi gjithçka dhe të punojë më specifikisht me përmirësimin e elementëve problematikë që Skënderbeu ka treguar në ndeshjen e fundit.
Përqendrimi dhe garancia në 30 metrat e fundit në mbrojtje janë shqetësimi më i madh i trajnerit, i cili ka këmbëngulur në këtë pikë. Ndërsa, nga ana tjetër, edhe sulmuesit nuk kanë më pakë faji për sa u përket situatave të pashfrytëzuara. Nga të gjitha këto, numri një i pankinës bardhekuqe kërkon reagim të menjëhershëm, në të kundërt gjithçka do të kalojë në penalitete për lojtarët.
