Aktori i njohur i “Portokalli”, Gaz Paja, ishte i ftuar në studion e “Ftesë në Pesë” me Bieta Sulon, në Top Channel.
Kohët e fundit ai është vënë në qendër të vëmendjes për angazhimin e tij në politikë dhe jo vetëm, ndaj edhe për shkak të gjithë zhurmës së krijuar në media, Gazi për herë të parë dha përgjigjen e tij në “Ftesë në Pesë”.
“Unë nuk kam asnjë letër të asnjë partie dhe nuk mendoj se do kem ndonjëherë. Unë thjesht mendoj që ky djali bashkë me skuadrën e tij do hyjnë në histori dhe unë kam qejf të jem pjesë e historisë. Kaq! Pra të ndihmoj në zhvillimin e Tiranës.
Se çfarë thonë pastaj, jo është i politizuar apo jo, kjo nuk është e vërtetë. Kush do e beson dhe lë të vijë të ndjekë punën time artistike, të cilën e adhuroj dhe për të cilën paguhem, kujt nuk i pëlqen kjo nuk më plas fare”, tha Paja.
Aktori i humorit duket se është i nxehur me raportimet mediatike, veccanërisht atë të parkimit të automjetit të tij, pikërisht në vendin ku zhvillohet një protestë nga kolegë të tij artistë në mbrojtje të Teatrit Kombëtar.
“Mua më vjen keq që kolegë, artistë, unë nuk bëj ndarje. Makina në teatër ka qenë si çdo natë e provave, që ne aktorët e veprës parkonim aty. Pra, aty ishte makina e teatrit, makina e Visjanit, ishte makina ime, më duket dhe e Laurës. Kështu që ishin dy-tre makina.
Këta zonjat apo zotërinjtë donin të merreshin me makinën time. Ndërkohë që masakra, bastardlliku që ata bëjnë është që mbrëmë p.sh, se kjo ka ndodhur net më përpara. Mbrëmë ne kishim ri-premierën dhe publiku na dëgjonte ne në sallë dhe jashtë dëgjonte dhe ca njerëz që hanë-pinë falas atje, më kupton. Dhe bërtasin gjatë kohës që ne kemi shfaqje. Kjo është bastarde, pra kjo është amatoreske. Pra njerëz që dalin aty, bëjnë zhurmë, ndërkohë që aty ka shfaqje. Duhet të tregojnë respekt për njerëz që punojnë, por s`kanë me ça merren, janë pa vlerë, pa vizione”.
Ndërkohë vazhdon sërish me: “Kush nuk i pëlqen kjo, nuk më plas fare.”
Më pas, ai ka sulmuar gazetarët duke i quajtur “horra” dhe “horresha”:
“Unë di t` klasifikoj kush janë gazetarët serioz dhe kush jo. Mendon ti që një njeri kaq i angazhuar sa unë me kaq vizione dhe ëndrra, mendon se kam kohë të dua të vete të zihem më diku. Thjesht ka disa horra dhe horresha, të cilët dalin në mëngjes dhe paguhen me thashetheme. Janë ca njerëz të mjerë që merren me budalliqe, domethënë, çfarë do tani ? Ik që këtu, shiko të marrësh lekë ndryshe.”
Ai ka folur dhe për çmimin e makinës, që në media u diskutua nga 30 mijë- 35 mijë euro. Por në fakt makina paska kushtuar 42 mijë euro. (Pra, ne mediat i paskemi “ngrënë” 12 mijë euro. E meriton një “Mea Culpa”!)
“Jo, 42”.
Ai u shpreh se makinën e ka blerë me këste dhe se ka larë akoma.
Së fundmi aktori ka qenë i angazhuar me disa shfaqje teatrale, ku vlen të përmendet komedia “Darka e Lamtumirës” që pas shfaqjeve në Tiranë do të nisë turin edhe nëpër rrethe. /politiko.al/
