Kryetari i Bashkisë, Erion Veliaj, që nga dita e parë e punës së tij në krye të Bashkisë Tiranë, është munduar që të tregojë se punon dhe zbukuron qytetin. Me kaseta të gatshme dhe pa lejuar mediet në takimet e tij, Veliaj ka reklamuar në media vetëm punët e tij të mira.
Por realiteti duket shumë ndryshe nga ai që reklamohet në mediat sociale të kryetarit të bashkisë. Disa foto të mbërritura në redaksinë e Dosja.al tregojnë se gjendja në institucionet e bashkisë është e mjerueshme.
Fotot janë shkrepur sot në Drejtorinë e Përgjithshme të Taksave dhe Tarifave Vendore dhe nga të gjitha pamjet shihet qartë se gjendja ku priten qytetarët çdo ditë nuk është si fasada që serviret nga bashkia.
Lagështia dhe amortizimi bashkëjetojnë çdo ditë me punonjësit e kësaj drejtorie. Këto foto tregojnë se Tirana nuk është ajo që tregohet në fasada me anë të fotove dhe videove HD të servirura nga zyra e shtypit të Erion Veliajt./Dosja.al
