PËRDITËSUAR/ Detaje të reja zbardhen lidhur me sherrin mes Presidentit të klubit të futbollit të Tiranës dhe atij të Laçit.
Burime policore thanë për “Boldnews” se rreth orës 17, Refik Halili ka telefonuar në numrin e Policisë duke deklaruar se Pashk Laska e ka goditur dhe është larguar me makinë. Pas të të dhënave që ka formuar Halili, shërbimet e policisë rrugore kanë ndaluar Laskën. Ky i fundit ka deklaruar gjithashtu se është dhunuar fizikisht nga Refik Halili.
Të dy janë shoqëruar në komisariatin nr 6 ku kanë bërë kallëzime ndaj njeri-tjetrit. Si Refik Halili ashtu dhe Pashk Laska kanë deklaruar se janë goditur nga njeri-tjetri me grushte e shqelma.
Policia ka nisur procedim penal ndaj të dyve dhe hetimet vijojnë lidhur me ngjarjen.
“Shërbimet e Policisë të Komisariatit Nr.6, proceduan penalisht në gjendje të lirë shtetasit R.H., dhe P.L.. Procedimi ndaj këtyre shtetasve filloi pasi, në zonën e ish-doganës së vjetër, pranë sheshit ‘Shqiponja’ janë konfliktuar fizikisht me njëri-tjetrin. Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale ‘Dëmtime të tjera me dashje’, parashikuar nga neni 90 i Kodit Penal”, njoftoi zyrtarisht Policia.
***
Policia procedon dy Presidentët
Policia e Tiranës ka njoftuar nisjen e procedimit penal ndaj Presidentëve të skuadrave të futbollit të Tiranës dhe Laçit, pasi një konflikti mes tyre. Pranë sheshit ‘Shqiponja’ ata janë konfliktuar fizikisht me njëri-tjetrin, njoftoi policia.
“Shërbimet e Policisë të Komisariatit Nr.6, proceduan penalisht në gjëndje të lirë shtetasit R. H., dhe P. L.. Procedimi ndaj këtyre shtetasve filloi pasi, në zonën e ish-doganës së vjetër, pranë sheshit ‘Shqiponja’ janë konfliktuar fizikisht me njëri-tjetrin. Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale ‘Dëmtime të tjera me dashje’, parashikuar nga neni 90 i Kodit Penal”, njoftoi zyrtarisht Policia.
Presidentët e Laçit dhe Tiranës raportohet se konfliktuar në rrugë fill pas ndeshjes, e cila u mbyll me shifrat 2-0 në favor të klubit kurbinas ditën e sotme. Ndeshja e vlefshme për Kupën e Shqipërisë, që u zhvillua në Laç, përfundoi rreth orës 16:00. /BN/
Goditet Presidenti i Tiranës, denoncohet në Polici Presidenti i Laçit
