Perlat Vatoci është emëruar sot drejtor i Drejtorisë së Policisë Vendore në Gjirokastër, ndërsa ka qëndruar i komanduar në këtë post që nga prilli i vitit të shkuar.
Në javët e fundit disa drejtues të Policisë së Shtetit janë transferuar ose larguar nga detyrat, ndërsa ndryshimet kanë përfshirë drejtoritë e policisë në Berat, Vlorë, Fier, Elbasan, Tiranë dhe Shkodër.
Lëvizjet e drejtuesve të policisë janë argumentuar me dhënien e një impulse të ri punës së policisë, ndërsa ato kanë ardhur pas disa ngjarjeve të rënda kriminale.
Drejtori i Përgjithshëm i Policisë së Shtetit Ardi Veliu paraqiti pak ditë më parë një hartë të zonave më problematike ku përfshihej Shkodra, Elbasani, Fieri, Tirana, pavarësisht se deklaroi se policia kontrollon 100 % territorin e vendit.
