Ardi Veliu, Drejtor i Përgjithshëm i Policisë së Shtetit, ka firmosur së fundmi urdhërin për emërimin e Andon Markos në krye të Drejtorisë së Policisë së Fierit.
Marko mban gradën kryekomisar, ndërkohë që për të drejtuar Policinë e Qarkut duhet grada Drejtues i Parë.
Në këto kushte, përveç faktit që Marko rezulton i përfshirë në përgjimet e Prokurorisë me Alfred Alizotin në çështjen ‘Babalja’, nuk përmbush as kriteret ligjore për të mbajtur funksionin e drejtorit të Policisë së Qarkut.
Duket se shërbimi i kryer nga Marko në çështjen Babalja kanë shpërfillur totalisht Ligjin për Policinë e Shtetit, ndërsa në një kohë kur publikohen pjesë nga përgjimet mes tij dhe Alfred Alizotit, që ndodhet në burg, Veliu e promovon si drejtor policie.
Marko më parë mbante funksionin e nëndrejtorit të policisë, ndërsa drejtor ishte Albert Nushi, edhe ky i kapur në përgjime me Alizotin.
Nushi u transferua nëndrejtor policie në Elbasan, ndërsa marko pas komandimit si drejtor, sot është emëruar zyrtarisht në këtë funksion.
Ndoshta, Marko ka qenë më bindës në rolin e tij se Nushi, i cili zbriti një shkallë në piramidën drejtuese të policisë, ndërsa Marko pati rritje në karrierë, edhe pse nuk ka gradat e duhura.
U kap në përgjime me Fred Alizotin, Andon Marko emërohet zyrtarisht drejtor policie në …
