Albana Vokshi, ish-deputete e PD dhe kryetare e LDGSH, ka reaguar ndaj deklaratave të kryeministrit Edi Rama në drejtim të kryebashkiakes së Prrenjasit, Miranda Rira.
Vokshi në reagimin e saj shprehet se Edi Rama ata që s’i blen dot, i sulmon dhe përgojon.
“Për Kryeministrin gojështhurur e arrogant, gratë duhet të rrinë në shtëpi e të merren vec me fëmijët dhe punë e shtëpisë, ndërkohë që ai bashkë me bandat krininale do vjedhin votat edhe në zgjedhjet e ardhshme”, shkruan Vokshi në postimin e saj.
Postimi i Albana Vokshit
“Rri në shtëpi ti, merru me beben” i thotë Rama Miranda Rirës, Kryebashkiakes së Përrenjasit që sapo ka sjelle në jetë një fëmijë.
Sic e ka zakon, ata që s’i blen dot, i sulmon e i përgojon.
Për Kryeministrin gojështhurur e arrogant, gratë duhet të rrinë në shtëpi e të merren vec me fëmijët dhe punë e shtëpisë, ndërkohë që ai bashkë me bandat krininale do vjedhin votat edhe në zgjedhjet e ardhshme.
Por Rama harron që gratë edhe mund të kujdesen për fëmijët e tyre, edhe mund të bëjnë punët e shtëpisë e të kujdesen për familjarët e tyre, edhe mund të bëjnë punët në administrate publike apo kompani private, por kurrësesi s’do e lëne më fatin e familjeve e fëmijëve të tyre në duart e pazareve të pista të Ramës me bandat kriminale e oligarkët.
Nuk ka kthim pas deri në largimin e Edi Ramës, njeriut që po mban peng të tashmen e te ardhmen e fëmijëve tanë.
#Protesto#3Prill#ParaParlamentit
#ProtestoPërTëArdhmenEFëmijëveTanë
