Një shqiptar, me masë sigurie “arrest shtëpie” në Itali, është arrestuar nga policia gjermane.
Shqiptari ishte larguar nga banesa, ndërsa autoritetet italiane kishin vendosur masën e sigurisë me akuzës e shitjes së lëndëve narkotike.
Artan Seferi shkoi si emigrant në qytetin e vogël të Rhineland në Gjermani, për t’u arrestuar ditët e fundit në Muhlheim an der Ruhr, pranë Duisburgut në pjesën veriperëndimore të vendit.
Ai akuzohet se për vite me rradhë menaxhoi tregun e shitjes së narkotikëve në provincat e Padovës, Trevisos dhe Vicencës.
Ai shiste kokainë dhe heroinë, me furnizime që nisnin nga disa gram e deri në 1 kg në të njëjtën kohë, duke përfituar deri në 120 mijë euro në muaj, çka i ka lejuar atij një jetë luksoze.
Sipas mediave italiane, Seferi u përfshi në hetimet e policisë italiane, kur u godit një organizatë kriminale maqedonase dhe shqiptare me bazë në Loreggia. Pesë arrestime dhe 25 procedime u kryen në atë kohë me sekuestrimin e gjysmë kilogram kokainë.
Në korrik të 2015, policia italiane arrestoi Rexhep Eminin, 32 vjeç, ndërsa Artan Seferi arriti të largohej nga banesa, por harroi pasaportën.
Dy muaj më pas ai u arrestua në zonën e Padovas, ndërsa u dënua me 4 vjet burg. Në përfundim të dënimit, ai duhet të qëndronte në arrest shtëpiak.
Por, megjithëse kishte një masë sigurie, shqiptari vijonte aktivitetin nga banesa, ndërsa në mars 2017, u ndalua një klient pranë shtëpisë së tij.
Duke e ditur se do të burgosej sapo të bënte gabimin më të parë, shqiptari u arratis në Gjermani. Tetorin e kaluar u lëshua një urdhër i ri arresti.
Pas arrestimit nga policia gjermane, pritet të kryhet ekstradimi i tij.
