Saimir Tahiri shkatërroi Policinë e Shtetit. Akuza është bërë nga Ahmet Prençi, ish-Drejtor i Përgjithshëm i Policisë së Shtetit, sipas të cilit ardhja në krye të Ministrisë së Brendshme të Tahirit, shkatërroi të gjithë strukturën e ngritur dhe ligjin e Policisë së Shtetit, që e kishte ndarë atë nga politika.
‘Ligji i policisë së shtetit i votuar në vitin 2008 bëri që kjo strukturë të largohet nga politika.
Por me ardhjen e Saimir Tahirit në krye të policisë, e shkatërroi këtë strukturë. Në atë kohë policia kishte më pak punonjës, rreth 2 mijë persona, por kishte më shumë punë, më shumë goditje’, u shpreh Ahmet Prençi në studion e Syri.net.
Sipas ish-drejtorit të Policisë së Shtetit, ardhja e Tahirit në krye të Ministrisë së Brendshme e shkatërroi policinë në mënyrë të pariparueshme.
“Ardhja e Xhafajt me 40 bandat e tij kriminale, por që nuk i tha asnjëherë, ardhja e Lleshit që kërkon të militarizojë policinë janë vetëm hapa”, tha Prençi.
