Këngëtari i muzikës popullore Sinan Hoxha ishte i ftuar në emisionin “Në kurthin e Piter Pan”. I pyetur se çfarë e ka diktatorin Enver Hoxha, pasi mbiemrin e kanë të njëjtë, Sinani u përgjigj:
“Xheison ti i ke këto pyetjet me spec kështu. Enver Hoxhën nuk e kam gjë, por nipin e tij e kam shok.”(këtu e kishte fjalën për Ermal Hoxhën, partnerin e këngëtares shqiptare, Rezarta Shkurta).
Pjesë nga pyetjet që iu bënë Sinan Hoxhës
Xheison: A e ke thirrur më ambulancën, apo tani zemra jote nuk sëmuret sepse ke Andrën?
Sinan Hoxha: Në fakt, kur e bëra këngën nuk kisha parasysh në të vërtetë ambulancën që të më vinte në momente të caktuara, por ashtu e kishte menduar tekstshkruesi. Tani kur e mendoj faktikisht nuk e thërras më sepse Andra është gjithmonë aty.
Xheison: Kur ra Faja prej fikut, a u vra?
Sinan Hoxha: Jo, nuk u vra… ra edhe nga moni dhe nuk u vra, është mirë Faja.
Xheison: Çfarë e ke Enver Hoxhën?
Sinan Hoxha: Xheison ti i ke këto pyetjet me spec kështu. Enver Hoxhën nuk e kam gjë, por nipin e tij e kam shok.
