Ervin Salianji, ish-deputet i PD-së, publikoi mbrëmjen e sotme, foto nga gazetarët e përgjuar nga njësia operacionale e Policisë së Shtetit, material i publikuar nga Boldnews.al.
Salianji tha se janë përgjuar gazetarët Jetmir Olldashi, Leonard Bakillari, Isuf Kurtaj, Anila Hoxha, të gjithë gazetarë investigativë apo që mbulojnë prokurorinë.
Pas publikimit të fotove, drejtuesi i emisionit, Blendi Fevziu, tha se “ç’punë ka policia që përgjon dhe survejon gazetarët. Madje ka gazetarë që kanë intervistuar Osama Bin Laden, dhe nuk janë përgjuar a survejuar”.
Ndërsa Salianji, u shpreh se gjysma e policisë merret me përgjimin e gazetarëve, ndaj dhe këtu nuk përfundon njeri në burg as për krime as për korrupsion.
