Endri Prifti, këngëtari i njohur korçar, ka rrëfyer përmes një videoje një ngjarje të pakëndshme që i ka ndodhur në orët e para të mëngjesit të sotëm pas një koncerti.
Teksa shkonte për në shtëpi, mbi 30 forca policie e kanë ndaluar në rrugë dhe i kanë kërkuar të bëjë testin e alkoolit.
Sipas policëve, këngëtari kishte konsumuar alkool prandaj Endrit efektivët i kanë marrë makinën dhe e kanë çuar në Vaqarr tek konfiskimi i makinave.
Këngëtari shprehet i revoltuar për këtë veprim të policisë, pasi sipas tij është i padrejtë.
“Shteti ka ikur për lesh. Këta dolën 30 polica ore, shtetrrethim. Më sollën këtu në errësirë në Vaqarr, më morën makinën dhe tani do më çojnë në shtëpi këta. Turpi i zotit, më thonë mua ke pirë tre birra.
Kur këndoj unë, kur pi publiku do pi dhe unë se s’bën. Na trembën, sikur kisha vrarë ndonjë njeri. Ja i respektoja një çikë unë këta po tani ma shpifën fare, nuk shikojnë se ç’bëhet me qeverinë po merren me mua.
Kam bërë festat e shefave të këtyre pa lek për nder për gjëra po ku të pyesin këta. Sot bënin sikur nuk më njohin, herët e tjera sa herë më shikonin pam 20-çën unë në xhep. Sot ishin çetë e madhe” tregon mes të tjerash gjatë videos live në rrjet këngëtari.
