Brahim Bilali, personi i cili ngeli i vrarë bashkë me vëllain e tij, Astrit Bilalai në qytetin e Shkodrës, ka qenë kampion hipizmi vite më parë.
Bilali ka marrë pjesë në aktivitete të ndryshme hipizmi, ndërsa pasioni për kalërimin duket se është trashëguar brez pas brezi.
Vëllai i Bilalit, Astriti mësohet të ketë hapur një restorant hipizmi në periferi të Shkodrës.
Ndërkohë, djali i tij, Astmer Bilali, ka qenë kampion boksi. Edhe ai ka trashëguar pasionin për hipizmin. Në shtator të 2018-ës ai ishte duke kalëruar së bashku me Arjan Ferracakun, kur ky i fundit u vra në atentat. Në atë kohë, për shkak të së shkuarës me precedentë penalë të Astmer Bilalit, dyshohet se ishte ai objektiv i atentatit.
Astmer Bilali është emër i njohur sportit në Shkodër. Në vitin 2012 ai ishte boksieri i vetëm nga katër shqiptarët që arriti të kualifikohej në turneun kualifikues të Lojërave Olimpike “Londër 2012”.
