Këshilli i Lartë i Prokurorisë do të shqyrtojë kërkesën e dorëheqjes së prokurorit Ardian Nezha më datën 1 prill.
Nezha ishte komanduar si prokuror në Tiranë, ndërsa emërimin e kishte në Pukë.
Duket se transferimi drejt Pukës, ku më parë ka drejtuar organin e akuzës, është arsyeja e dorëheqjes së prokurorit.
Ai ka pohuar se ka paraqitur dorëheqjen për shkak se nuk ndjehej i vlerësuar.
Nezha, pas emërimit të Arta Markut në pozicionin e Prokurores së Përgjithshme të Përkohshme, u tranferua në Elbasan si drejtues i prokurorisë, ndërsa më pas u komandua prokuror në Tiranë.
