Vetëm një javë më parë, deputeti i ‘opozitës së re’ nga rradhët e LSI, Ralf Gjoni, u bë pjesë e Kuvendit duke shkaktuar jo pak debate.
Mëngjesin e së enjtes së kaluar, ai është sulmuar me bojë të kuqe duke dalë nga banesa e tij, ndërkohë që ai akuzoi menjëherë kryetaren e LSI, Monika Kryemadhin për këtë sulm. Madje, deklarata e tij u kthye në virale ndërkohë që përçmoi dhe ofendoi çdo njeri që sipas tij ‘hodhi baltë mbi figurën e tij duke e detyruar atë të ndihej tradhëtar’.
Sot, deputeti Gjoni është paraqitur pranë ambjenteve të Kuvendit me truproja që e mbronin nga të dyja krahët. Sapo ka zbritur nga makina e tij ku shoqërohej edhe nga forcat e policisë, ai është ‘fortifikuar’ edhe nga truprojat që nuk e kanë lënë asnjë moment vetëm. /Boldnews.al/
