Opozita zhvilloi protestën e rradhës sot para Kuvendit dhe Ministrisë së Brendshme, ndërsa mijëra mbështetës të saj kërkuan largimin e kryeministrit Edi Rama.
Protesta nisi në orën 09:30 në zonën rreth Kuvendit të Shqipërisë, ndërsa mbi 1000 forca policore ishin angazhuar për mbrojtjen e godinës.
Për të paktën 3 orë, protestuesit qëndruan para Kuvendit, ku nuk munguan disa incidente të vogla, ndërkohë që një protestues u gjakos nga një goditje e policisë.
Protesta më tej u zhvendos drejt godinës së Ministrisë së Brendshme ku protestuesit kërkuan lirimin e qytetarëve të ndaluar gjatë protestave të fundit të opozitës.
Ndërkohë protesta e opozitës është monitoruar nga lartësitë nga punonjës të policisë. Veccanërisht ata ishin të përqëndruar në tarracën e godinës së Ministrisë së Brendshme.
