Ervin Salianji, ish-deputet i PD-së, akuzoi Kryeministrin Edi Rama dhe ish-ministrin e Brendshëm, Fatmir Xhafaj, se u investuan tërësisht për gjetjen e një dëshmitari të rremë për çështjen “Babalja”.
Salianji tha se ato u investuan për të shpëtuar vëllain e ish-ministrit të Brendshëm, dhe gjetën një dëshmitar të rremë, që e kanë paguar.
Sipas tij, qoftë Rama ashtu edhe Xhafaj kanë lënë gjurmë në dosjen tronditëse.
“Trafikanti i dënuar mori përsipër rolin e aktorit, për të shpëtuar vëllain e Fatmir Xhafajt. Përgjimet zyrtare tregojnë se policia pagoi dëshmitarin e rremë”, tha Salianji, ndërsa akuzoi policinë dhe prokurorinë se janë vënë në shërbim të Edi Ramës dhe narko trafikut.
Sipas Salianjit, në vend që drejtësia të vepronte dhe të çonte para drejtësisë personat përgjegjës, sot përballen me drejtësinë denoncuesit.
Në vijim ai publikoi disa përgjime të reja që provojnë takimet dhe bisedat e drejtuesve të policisë me dëshmitarin e rremë.
