Detaje të reja bëhen me dije nga shkarkimet e ndërmarra nga Ministri i Jashtëm në Detyrë, Gent Cakaj.
Sipas Report Tv, është sharkuar Pranvera Skana (ish partnerja e Henri Çilit) e cila mbante detyrën e këshilltares në Ambasadën e Londrës. Janë shkarkuar edhe tre zyrtarë nga Ambasada Shqiptare në Athinë dhe një tjetër në Stamboll. Ndërkohë, më herët, u shkarkua edhe Edmond Kumaraku, Konsull i Shqipërisë në Romë.
Vetë Skana, në një reagim për një portal, u shpreh se nuk ka marrë një shkresë zyrtare për lirimin nga detyra. “Mua më mbaron mandati në 13 prill dhe e kam deklaruar më herët që do të kthehesha në Shqipëri. Që në nëntor në një intervistë për mediat kam thënë se shumë shpejt do të kthehem në Shqipëri për të nisur karrierë akademike. Po ashtu unë nuk kam ende një shkresë zyrtare për lirimin tim nga detyra”.
Burime thonë se emra të tjerë të njohur janë në mesin e atyre që mund të shkarkohen nga pozicionet diplomatike.
Emrat e përfolur për tu larguar:
-Majlinda Dodaj, motra e Aleksandër Frangajt, pronar i TV Klan. Diplomate në Ambasadën e Shqipërisë në Vatikan.
-Gerarta Ballo, vajza e Artur Zhejit, gazetar dhe drejtues i emisionit ‘360 gradë’.Diplomate në Ambasadën e Shqipërisë në Itali.
-Alket Çani, vëllai i Arjan Çanit, gazetar dhe drejtues i emisionit ‘Zonë e Lirë’. Diplomat në Ambasadën e Shqipërisë në Francë.
-Inid Milo, vajza e Paskal Milos, ish-ministër i Jashtëm. Drejtuese e Drejtorisë së NATO-s pranë Ministrisë së Jashtme të Shqipërisë.
Cakaj ka theksuar se mbi 20 diplomatë do të largohen ose zhvendosen në pozicione të tjera.
/BN/
