Dikur miku i Edi Ramës, sot një prej kundërshtarëve të tij, Koço Kokëdhima, ka komentuar nisjen e proçesit gjyqësor në ngarkim të Sajmir Tahirit, ish-ministër i Brendshëm.
Kokëdhima shprehet se nën hetim duhet të jetë edhe Edi Rama, pasi është ai që ka udhëhequr kartelin e drogës.
“Gjykata e Krimeve të Rënda vendosi dje që dosja voluminoze e prokurorisë kundër ish-ministrit të Brendshëm, Saimir Tahiri, të kalojë për gjykim.
Prej tre vitesh ZGJIDHJA ka kërkuar dorëheqjen e Edi Ramës, sepse ai është modeli i kryeministrit që ndërhyn personalisht dhe bën presion mbi çdo gjykatës e prokuror.
Ai duhet të hetohet sepse ka udhëhequr kartelin e drogës, bashkë me Tahirin”, shkruan Kokëdhima, që sot drejton partinë “Zgjidhja”.
