Policia e Shtetit ka paralajmëruar ish-kryeministrin Sali Berisha se do të nisë të ndjekë në rrugë ligjore kundër shpifjeve që postohen në Facebook-un e tij, në kuadër të fushatë së ‘qytetarit dixhital’.
Sipas policisë në këto denoncime nuk ka asgjë të vërtetë ndaj edhe ky organ ndihet i diskriminuar lidhur me publikimet e ish-kryeministrit. Ndërkohë që kjo lëvizje vjen 24 orë pas publikimit të Berishës lidhur me denoncimet për kreun e Policisë së Shtetit.
Njoftimi i Policisë
olicia e Shtetit konstaton me keqardhje se shtetasi Sali Berisha ka prodhuar dhe postuar në rrjete sociale në vazhdimësi shpifje të panumërta ndaj kësaj organizate ligj zbatuese.
E gjendur nën presionin e pandërprerë të një lumi shpifjesh nga ana e këtij shtetasi, Policia e Shtetit bën me dije se do të reagojë me kallzime penale, duke kërkuar zbardhjen shpejt dhe deri në fund të këtyre shpifjeve, nga Prokuroria.
Publikimet e këtij lloji tentojnë të ndërtojnë një fushatë të mirëfilltë linçimi publik, që ka qëllim të denigrojnë, delegjitimojnë, dekurajojnë dhe pengojnë punën e trupës së Policisë së Shtetit në shërbim të Kushtetutës, ligjit e qytetarëve.
Policia e Shtetit do ta adresojë në rrugë ligjore këtë tentativë të papranueshme dhe do të mirëpresë hetimet që do të provojnë bazën e çdo akuze nga ana e z.Berisha.
Kjo është e rëndësishme jo vetëm në respekt të opinionit publik, por dhe për vetë Policinë e Shtetit.
