Kosova ka ndaluar lojërat e fatit. Vendimi është marrë nga qeveria e Kosovës, ndërsa në të parashikohet ndalimi i lojërave të fatit për një periudhë 10 vjeçare.
Kryeministri i Kosovës, Ramush Haradinaj tha se me këtë projektligj ndalohet ë gjitha lojërat e fatit, përveç Lotarisë së Kosovës.
“Qëllimi i hartimit është zbatimi i rezolutës së Kuvendit të Kosovës me të cilën kërkohet nga qeveria ti nis procedurat ligjore për ndalimin deri në miratimin e ligjit për lojërat e fatit. Me këtë projektligj ndalohen te gjitha lojërat e fatit përveç Lotarisë së Kosovës “, tha Haradinaj.
Vendimi i sotëm erdhi pas rezolutës së Kuvendit që i kërkoi qeverisë të pezullojë aktivitetet e të gjitha lojërave të fatit.
Pas mbylljes së lojërave të fatit në Shqipëri, një pjesë u zhvendosën në Kosovë, por aventura zgjati shumë pak.
