Policia e Tiranës njoftoi sot arrestimin e 3 personave dhe shpalli në kërkim një tjetër, lidhur me vrasjen e Jurgen Kurtit, ngjarje e ndodhur më 18 mars në rrugën ‘Zef Jubani’.
Dyshimet e policisë janë që të arrestuarit kanë bashkëpunuar për llogari të një personi tjetër, kundrejt pagesës.
Burimet shprehen se 3 të arrestuarit dhe personi i shpallur në kërkim kishin njohje me njëri-tjetrin, ndërsa e kanë ndjekur viktimën prej disa ditësh.
Policia zotëron pamje filmike të automjetit tip Mercedez duke lëvizur në zonë dhe personave brenda tij.
Sipas njoftimit zyrtar të policisë, nuk jepet asnjë arsye sepse të ndaluarit dhe i shpallur në kërkim kanë kryer krimin.
“Veprimet hetimore janë në vazhdim e sipër për të bërë të mundur dokumentimin e plotë me prova ligjore të personave të tjerë të përfshirë në këtë ngjarje, si dhe për dokumentimin e motiveve të kësaj ngjarje.
Për arsye hetimore nuk bëjmë me dije të dhëna të tjera pasi cënojnë hetimin.
Materialet ju dërguan Prokurorisë Rrethit Gjyqësor Tiranë, për veprat penale penale ‘Vrasje me paramendim e kryer në bashkëpunim’, ‘Prodhim dhe mbajtje pa leje të armëve luftarake’, ‘Prodhim dhe shitje të lëndëve narkotike’”, thuhet në njoftimin zyrtar të policisë.
Policia njoftoi se Sektori i Hetimit të Krimeve Ndaj Jetës dhe Pronës, në Policinë e Tiranës, në bashkëpunim me Prokurorinë e kryeqytetit, u arrestuan Elsi Levendi, 21 vjeç, lindur në Athinë/Greqi dhe banues në Tiranë, Alesio Berberi, 33 vjeç lindur në Patos, Olsi Qalliaj, 22 vjeç, lindur në Fier dhe banues në Patos.
