Vrasja e avokatit në Elbasan, hetimet shtrihen në 4 qytete/ Ja ç’po ndodh…

Krimet e Rënda kanë shtrirë hetimet në të paktën 4 qytete lidhur me vrasjen e avokatit Ravik Gurra, i cili u ekzekutua mbrëmjen e së premtes në një lokal në qendër të Elbasanit.

Burime nga prokuroria bëjnë të ditur se përveç Elbasanit, qytet ku ndodhi krimi, hetimet janë shtrirë edhe në Tiranë, Fushë-Krujë dhe Shkodër.

Prokuroria e ka klasifikuar ngjarjen si “vrasje e funksionarëve publikë”, ndërsa është kjo arsyeja që hetimet janë marrë në dorë nga Prokuroria e Krimeve të Rënda.

Nga të dhënat e deritanishme, grupi hetimor ka dyshimet se autori i krimit mund të jetë një vrasës me pagesë, jashtë qytetit të Elbasanit.

Kamerat e sigurisë kanë fiksuar një person të maskuar dhe me kapele, që i afrohet tavolinës ku ndodhej avokati, në shoqërinë e dy miqve të tij, dhe pasi e përshëndet, i del nga pas dhe e qëllon dy herë në kokë me një pistoletë me silenciator.

Fakti që arma nuk ka bërë zhurmë, i ka dhënë kohë autorit të largohet qetësisht, ndërsa dyshimet janë se një automjet e priste pranë vendit të ngjarjes, duke bërë të mundur transportin e tij.

LEXO EDHE  Shpërndanin kokainë në Shqipëri, arrestohen dy persona! Emrat

Policia gjeti një automjet tip Mercedez që po digjej pak momente pas vrasjes dhe dyshimet janë se ky mjet është përdorur nga autori dhe bashkëpunëtori i tij.

Mjeti i është nënshtruar ekspertizës, ndërsa ka rezultuar i vjedhur në zonën e Krujës.

Avokati Gurra, 50 vjeç, do të udhëtonte të shtunën drejt Anglisë, pasi ai kishte dokumente angleze dhe bënte një jetë mes Britanisë së Madhe dhe Shqipërisë./BN/

Vrasja e avokatit Gurra, çfarë kanë fiksuar kamerat e sigurisë/ Autori me kapele, iu afrua viktimës…

Vrasja e avokatit të njohur/ Ja çfarë kishte ndodhur me makinën që u larguan vrasësit para se të digjej

Detajet e reja/ Ja çfarë bëri vrasësi para se të ekzekutonte avokatin Ravik Gurra…

Detajet/ Avokati u qëllua me 2 plumba në kokë. Ja personat që u morën në pyetje si dëshmitarë…



PËRGJIGJU

Please enter your comment!
Please enter your name here