Një biznesmen shqiptar është plagosur në Itali, pas një sherri që ka pasur me një shqiptar, për një grua.
Biznesmeni, 50 vjeç, është goditur në kokë me kaçavidë, ndërsa policia ka mundur të identifikojë autorin, që është 48-vjeç.
Mediat italiane shkruajnë se ngjarja ka ndodhur në komunën e Pratola Peligna, ku 48-vjeçari shqiptar ka goditur me kaçavidë bashkëatdhetarin e tij, i cili është një kontraktor ndërtimi.
Rreth orës 17:00 të së dielës dy burrat u takuan pranë një ish kinemaje, ndërsa kanë nisur një debat të fortë mes tyre, derisa në një moment 48-vjeçari ka qëlluar me një mjet të mprehtë në kokë bashkëatdhetarin e tij, duke i shkaktuar lëndime.
I plagosuri, i është drejtuar banesës, duke lënë gjurmë gjaku në rrugë, gjë që bëri të mundur rindërtimin e skenes.
Agresori raportohet të jetë larguar me një automjet, ndërsa kontraktori i ndërtimit u dërgua në spital në Sulmona.
Tashmë mbi 48-vjeçarin, identiteti it ë cilit nuk bëhet i ditur, rëndojnë akuzat e lëndimeve dhe kërcënimeve të rënda.
