Mesfushori i Kombëtares, Migjen Basha thumboi ish-trajnerin e Kombëtares Kristian Panuçi pas fitores me Andorrën. “Këta janë lojtarët, por nuk e ka kuptuar çfarë mendimi ka pasur ai. Negative apo pozitive. Mua më duket negative, dhe pa respekt për lojtarët që janë këtu. Ka disa lojtarë që kemi bërë historinë këtu, por për sa kohë jemi këtu, do mundohemi të ndihmojmë”, tha Basha për “Supersport”
INTERVISTA
Fitore pa shkëlqim, por një 3 pikësh me vlera…
Arsyeja e fitores është me vlerë, sepse na duheshin 3 pikë. E dimë që mënyra nuk ishte aq e mirë. E folëm me Bulkun para ndeshjes se na duhen pikët. Nuk është e lehtë, edhe fusha me bar artificial, nuk na ndihmoi. I kemi të rëndësishme për të ardhmen këto 3 pikë. Ndaj Turqisë nuk e merituam atë humbje, por do vazhdojmë rrugën.
Fillimi i pjesës së dytë, ju vuri një lojtar nga pas. U ndjetë në vështirësi?
Po e vërtetë, ia thashë çunave të zgjohemi, sepse e filluam shumë keq. Fati jonë, por shënuam shumë vonë. Duhet të kemi përqendrim të madh, edhe pse nuk është nivel i lartë Andorra. Rrezikuam të pësojmë, por shyqyr përfundoi me sukses.
Panuçi a mori një përgjigje sot?
Këta janë lojtarët, por nuk e ka kuptuar çfarë mendimi ka pasur ai. Negative apo pozitive. Mua më duket negative, dhe pa respekt për lojtarët që janë këtu. Ka disa lojtarë që kemi bërë historinë këtu, por për sa kohë jemi këtu, do mundohemi të ndihmojmë.
