Gazetarja Anila Hoxha deklaroi në emisionin “Open” të gazetares Eni Vasili se vrasja e avokatit Ravik Gurra ka ndodhur për shkak të detyrës.
Duke dhënë detaje nga hetimet, Hoxha ka dhënë edhe identikitin e vrasësit të avokatit Gurra. Sipas gazetares së Top Channel, vrasësi është rreth 35 vjeç dhe 1,73 metra i gjatë.
Anila Hoxha tha se vrasja është bërë nga killer me pagesë, por gjithsesi hetimet janë në fillim të tyre.
