Avokatët e Elbasanit nga dita e sotme kanë nisur një grevë, duke ndërprerë të gjitha shërbimet me Gjykatën. Afati i grevës do të jetë 1 javor, çka do të thotë se të gjitha seancat e programuara për këtë javë nuk do të zhvillohen.
Vendimi është marrë nga Dhoma e Avokatisë në këtë qytet, ku tre ditë më parë u ekzekutua avokati Ravik Gurra, 50 vjeç.
Avokatët e Elbasanit kanë kërkuar solidaritetin e të gjithë kolegëve të tyre në të gjithë vendin, për të ndërprerë në një afat 3 ditor të gjitha shërbimet me gjykatat e vendit.
Avokatët janë mbledhur në një nga ambientet e Gjykatës së Elbasanit dhe janë shprehur se hapi u ndërmor pas vrasjes kriminale të kolegut të tyre Ravik Gurra.
Ata u shprehën se avokatët janë të pa mbrojtur dhe kanë kërkuar mbështetjen edhe të Dhomës së Avokatisë së Shqipërisë.
