Teatër i mirfilltë, gjethe fiku, për të fshehur të vërtetën e realitetit tragjik të demokracisë sonë, e ka cilësuar ish-deputeti Tritan Shehu, Kongresin e PS-së, që u zhvillua dje në Tiranë.
Madje Shehu thekson se asnjë nuk e merr seriozisht komedinë që u luajt në atë sallë për zgjedhjet e qershorit, as vetë ata që iu shqiptua emri si kandidatë.
“Teatër i mirëfilltë, “gjethe fiku” për të fshehur të vërtetën e realitetin tragjik të demokracisë sonë.
Besoj se asnjë nuk e merr seriozisht “komedinë” që u luajt në atë sallë për zgjedhjet e qershorit. As vete ata që iu shqiptua emri si kandidatë, aq më pak ata që i propozuan…
Shqipëria ka nevojë të zgjidhë se pari ngërçin e madh politik qendror e zgjedhor e më tej të shikojë drejt bashkive, – gjykon Shehu. -Në kohën që ne kemi një parlament të deformuar, monist, të papërputheshëm me realitetin e vendit, me “deputetë” të rinj të thirrur në mënyrë antikushtetuese, kërkojnë të merren me kryetarët e bashkive.
Në kohen që prej rreth dy vitesh ne nuk kemi Gjykatë Kushtetuese, i vetmi institucion arbitër e garant i konstitucionalizmit në Shqipëri, flitet për Këshillat Bashkiakë!!
Gjërat nuk mund të funksionojnë e nuk do të funksionojnë dot kështu. Pa zgjidhur problemin e madh politik qëndror e të sigurisë zgjedhore, nuk ka sens të procedohet për derivatet e zgjedhjet lokale! Skemë iluzive n ë 3D kjo, që u dëgjua nga ai Kongres, joreale dhe e paaplikueshme”, shkruan ish-deputeti i PD-së.
