Nënkryeministri i Edi Ramës, Erjon Braçe, i ka drejtuar një ultimatum punonjësve të administratës publike, gjatë fjalës së mbajtur në Pallatin e Kongreseve në Tiranë, ku po zhvillohet Kongresi i PS-së.
Në një sallë të mbushur kryesisht me punonjës të administratës, që janë detyruar që në një ditë pushimi të marrin pjesë në punimet e Kongresit elektoral, Braçe theksoi se mbi 22 mijë qytetarë kanë marrë zgjidhje për problemet e tyre në platformën e bashkëqeverisjes.
“Kush hap zyrën, sheh muret e tavanin e nuk punon si e pashë në zyrat e Vlorës, Fier, iku e do të ikë, Fuqia e ndryshimit janë njerëzit e zakonshëm, dhe interesat e tyre, ndaj secili prej tyre i them, mos u dorëzoni, na shkruani, flisni me ne do te regojmë do t’u shërbejme secilit, duhet të jemi bashkë për këtë, ju dhe ne.
Mbi 22 mijë qytetarë kanë marrë zgjidhje përmes platformës së bashkëqeverisjes. Qytetarët janë fuqia jonë e reagimit.
Shqiptarët e zakonshëm shtetin e paguajne për këto shërbime. Shqiptarët ndjejnë shtetin tek shërbimet që marrin. Duhet të shërbejmë më shumë dhe të modernizohemi. Kush nuk u përgjigjet njerëzve ka ikur e do të ike”, tha nënkryeministri.
