Partia Socialiste ka thirrur Kongresin elektoral, i cili do të zhvillojë punimet në disa seanca.
Punimet e kongresit nisin në orën 10:00, ndërsa mbyllen në orën 17:00.
Në këtë kongres pritet të përcaktohen kandidatët socialist për zgjedhjet lokale të 30 qershorit, sikundër do të publikohet edhe lista e kandidatëve për këshillin bashkiak të Tiranës.
Punimet e Kongresit do të happen nga Sekretari i Përgjithshëm socialist, Taulant Balla, për të vijuar më tej me sesionin për bashkëqeverisjen ku do të flasin Erion Braçe dhe ministrja e Drejtësisë, Etilda Gjonaj.
Në orën 12:00, nis seanca e dytë e kongresit. Kjo seancë nis me fokusin “Bashkitë që duam” dhe posaçërisht me Tiranën.
Në këtë seancë do të flasin sipas radhës: Blerina Gjylameti, Erion Veliaj me prezantimin e listës së kandidsatëve për anëtarë të Këshillit Bashkiak të Tiranës dhe në fund, Kryeministri Edi Rama.
Me fjalën e Ramës përfundon seanca e dytë, në orën 13:30.
Në orën 15:00 nis seanca e tretë e ndarë në tre panele.
Temat do të mbahen në godina të ndryshme.
Ato do të jenë: Bashkitë që duam dhe Edukim cilësor dhe punësim për të rinjtë në plaatin e Kongreseve si dhe Reforma Zgjedhore dhe vota e emigrantëve në hotel Sheraton.
