Avokati 50-vjeçar, Ravik Gurra, u ekzekutua mbrëmjen e së premtes në qytetin e Elbasanit, teksa po konsumonte kafe me dy miq të tij, në një lokal në qendër të qytetit.
Gurra, mbrojtësi ligjor I “Çapjave” dhe Emiljano Shullazit, do të udhëtonte sot drejt Britanisë së Madhe, ndërsa kishte nënshtetësinë angleze dhe atë shqiptare.
Vrasja po hetohet nga Prokuroria e Krimeve të Rënda, ndërsa është klasifikuar si “vrasja e funksionarëve publikë”.
Policia ka sekuestruar pamjet filmike të disa bizneseve, ndërsa raportohet se nga dëshmitë e mbledhura, autori është afruar qetësisht, ka përshëndetur viktimën, më pas I ka dalë nga pas ku e ka qëlluar dy herë në kokë me pistoletë me silenciator.
Mënyra sesi vrasësi është afruar nuk ka tërhequr vëmendjen e askujt, madje as të avokatit, që ka vijuar bisedën me miqtë e tij, që po konsumonte kafe.
Raportohet se vrasësi ka qenë I sigurtë në të gjitha veprimet, madje edhe kur është larguar, ka iku qetësisht.
Dyshimet janë se ai është larguar nga vendi I ngjarjes me një automjet tip Mercedez, që u gjet I djegur nga policia disa minuta pas krimit.
