Gazmend Paja, aktor i humorit, por edhe një prej emrave të përzgjedhur nga Erjon Veliaj, si pjesë e ekipit të kandidatëve për këshillin bashkiak të Tiranës, nuk ka mbajtur dot gëzimin gjatë kohës që Kryeministri Edi Rama, sulmonte dhe akuzonte kreun e PD-së, Lulzim Basha.
Paja ishte një prej pjesëmarrësve në Kongres-mitingun e Rilindjes, një format që kishte brenda edhe shoë, edhe spektakël, edhe humbje qetësie, edhe batuta, edhe kërcëllitje dhëmbësh.
E ndërsa Rama akuzonte Bashën se kishte frikë nga zgjedhjet dhe ishte një lider pa hallate që kishte dorëzuar mandatin, Gaz Paja është fiksuar duke qeshur.
Aktori i humorit, që në skenë me batutat e tij, bën për të qeshur spektatorët, sot ishte vetë spektator ndërsa në skenë për të ishte një gaztor, i veshur me kostumin e Kryeministrit.
