Dy familjet Llapaj dhe Dervishi duket se kanë rënë dakord për një marrëveshje me biznesmenin, Alenksandër Gavoçi që do i hap rrugë zgjidhjes së konfliktit disa vjeçarë.
Ka qenë avokati i familjeve që ka njoftuar se sot do të nënshkruhet marrëveshja mes palëve, e cila do i jap fund konfliktit për pronën.
Ai shprehet se marrëveshja do të nënshkruhet sot pas orës 16:00 dhe sipas paktit të dy familjet do të marrin apartamente. “Mbas orës 16:00 do nënshkruhet marrëveshja mes palëve. Dy familje do të marrin apartamente sipas paktit”, thotë avokati.
Bëhet fjalë për dy apartamente pranë “Kopshtit Botanik”, dhe në këtë mënyrë do të marrë fund edhe mosmarrëveshja me biznesmenin Aleksandër Gavoçi që pretendon pronësinë e truallit dhe familjeve të cilat jetojnë në godinën 2 katëshe.
Përplasja e fundit mes palëve ndodhi në 11 Mars, ku për 5 orë ka pasur tensione mes Policisë, Përmbarimit dhe banorëve. Familjarët refuzuan që ta linin ndërtesën banesën, ndërsa pronari fitues nga gjykata, Aleksandër Gavoci thotë se është në të drejtën e tij për pronën.
